Sunday, July 17, 2005

إش تبي تقول



الناس لها طبايع مختلفة. ولكن إحنا بالكويت عندنا طبايع عجيبة. التفلسف الزايد عندنا ماله حد. المشكلة إننا نفتخر بأشياء تافهة ومالها معنى. يعني على قولة بومريوم نفتخر وايد بالسنوبلور

آنه أتفهم والله لما صباحي يلزق الوسم مال الصباحيين على سيارتة. الحبيب يبي يقول آنه صباحي ولا تحاجوني

الثاني تارس الجامة الورانية لزقات وفنايل صغيرة مالت ريال مدريد، ما عليه أهو راقي بناديه إللي يشجعه

الثالث، يتفشخر إنه يشتغل بالكي أوه سي، شركة النفط، يعني شوفوني يالطايحيين الحظ آنه عندي واسطة واشتغل بمكان ما يقبلون إلا الواسطات، آمنا بالله

لكن الحبيب إللي واقف بسوق شرق وراز سيارته يمكن من الساعة ثمان الصبح عشان يوقف بهالمكان وحاط خوذة عسكرية ورا عشان الكل يشوفها، إنت إشتبي تقول، رجاءً فهموني إش يبي يقول هالحبيب

9 Comments:

Blogger بومريوم said...

يبى يقول انا طايح حظى و ما قبلونى الا الجيش

8:21 AM  
Blogger بومريوم said...

This comment has been removed by a blog administrator.

8:21 AM  
Blogger wafaa said...

انا الي حررت الكويت... :)

9:54 AM  
Blogger Broke said...

بو مريوم .. حلوة .. ضحكتني



عادي توقعوا كل شي من منتجات مصنع الرجال

9:58 AM  
Blogger Brava Valentia said...

كان سألته

10:56 AM  
Blogger esetch said...

بومريوم
لا شكل الخوذة قديمة يبي يقول آنه تطوعت مع الأميريكان لتحرير الديرة

لذا آنه أتفق مع وفاء

موذر

السيارة بالمواقف وهو ما كان موجود

11:32 AM  
Blogger Zaydoun said...

انا حاط لزقة جامعتي اللي تخرجت منها بامريكا على شيارتي. عسى ما صنفتني وياهم؟؟

بعدين انا يبطون جبدي اللي حاطين صور فهد الأحمد ترس الجامة وهم لا صباحيين ولا شي

3:40 PM  
Blogger forzaq8 said...

يمكن يقول انه حمار و دخل الجيش \ الشرطه
بس راح يأخذ 4 اضعاف معاشك يالجامعى

7:26 PM  
Blogger esetch said...

forza
you got a point there

7:51 AM  

Post a Comment

<< Home