Sunday, September 18, 2005

إلى السلاح يا رفاق


آنه: آلوووو، بوصلوح عندك سلاح

بوصلوح: أي سلاح يبه، بتودينا بداهيه، إش صاير

آنه: لا بس دقت الساعة، أبي كلاش رشاش أو أي شي حتى لو فرد صغير

بوصلوح: لا يبا آنه إنسان مسالم، دور عند غيري

يرن الهاتف

آنه: آلوووو، فهيد عندك سلاح

فهد: إستش، إشقالولك عني، إش تبي السلاح فيه

آنه: خلصني عندك ولا لإ

فهد: لا ما عندي، دق على بوصلوح

آنه: دقيت ما عنده

فهد: وبوطروق

يرن الهاتف

آنه: آلوووو، بوطروق عندك سلاح

بوطروق: سلمته من زمان

آنه: وليه إنتو ما يعتمد عليكم موليه

بالديوانية

بوصلوح وفهيد وبوطروق: تعال قول لنا إشصاير اليوم تدور سلاح

آنه: أبد وآنه مار صوب الجامعة بالشويخ وله لافتات أشكال وأرناق

سنعود، حتماً سنعود

يا معقل الأسود

بالنباطة والمقلاع سنحطم كل الأعداء

وقائمة الأحرار

والإئتلاف الحاكم

والمناضلون

والمرابطون

آنه قلت خلاص صارت، في غزو ثاني لا سمح الله

حرب ولا كإنه إنتخابات كليات

6 Comments:

Blogger Broke said...

مو صاحين الحمدلله و الشكر .. هذول شدعوة ما ودهم يغزونا و يسيطرون على كل شي !

11:28 AM  
Blogger esetch said...

المصيبة إنهم يا بروك مجاميع مختلفة

ولكن الظاهر إللي صاير، مثل المثل الأميريكي

if you can't beat 'em join them

12:26 PM  
Blogger forzaq8 said...

عائدون !
سنه المعقل !

الانتخابات كأنها حرب الحين
و الفشله تلاقى ناس تطنش محاضرات و تسقط علشان الانتخابات

12:34 PM  
Blogger bo_ghazi said...

الانتخابات أيام أول كانت في وراءها هدف. الناس كانوا يشكلون قوائم و يخوضون الانتخابات لغرض معين من شأنه أن يفيد الطلبة و يفيد المجتمع بعد. بس الحين الانتخابات ما هدفها الا أن الطالب يناقز و يغني عشان فلانة و علانة يشوفنه وهو مشتط و شكله متحمس و يسمعهم يقولون: واااااااااااييي... شكله حـده سياسي سيكسي

5:10 PM  
Blogger esetch said...

Forza

والله آنه خايف إنك واحد منهم، ها قول الصج
8-))

Bo Ghazi

LOOOOOOL

حلوة سياسي سكسي
بصراحة أول مرة أسمعها

8-)))))))

7:49 AM  
Blogger Jewaira said...

Funny :)

9:25 PM  

Post a Comment

<< Home