من العديلية
اليوم الصبح مريت كالعادة على ستاربكس العديلية. في واحد فلبيني يشتغل إهناك والحبيب الظاهر حاط دوبه دوبي.
كل ما شافني، وان توول كابتشينو، يصيح بأعلى صوته. ملعون الخير يطلب بدالي الطلب. طبعا أهو قصده يكون فرندلي ويبين إنه يعرف الزباين إللي معشعشين بالكافيه، بس عاد أهو فاضحني. المهم طلبنا الكابتشينو
من الصدف إني أتلاقى مع وحده أجنبية وياها بنتها. البنت تذكرني بكيت مالت بومريوم. بس الشي الملفت إن كل الشباب تقول رادار، وموجهين عيونهم صوبها، وآنه منهم، جنا مو جايفين خير
الحين طلعت ورايح السيارة ولا سادين علي. آنه العادة ما أتنرفز وخصوصا لما يكون صاحبها هاد السيارة إمبطله، جنه يقول لك آنه ثواني وراد. حلو، لكن هالحبيب صج قهرني
آنه صافط إبعيد بعد موقف الباص، والأماكن فاضية وسيارتي الوحيدة إللي فوق الرصيف، يعني صاحبنا يقدر يصفط يمي. لا، واقف وراي. أي ليش يعني ألحين من قله الأماكن
صج العقل نعمة والناس ذوق وأخلاق
posted by esetch @ 8:04 AM
15 Comments:
مادري شلون ما تتنرفز بهالمواقف... انا قبل يومين رايح اخذ اخوي الصغير من المدرسة في حولي و حرصت أروح مبكر عشان اخذلي خوش موقف و أطلع بسرعة قبل الزحمة.. نزلت و رديت ولا واحد صاك علي... اضطريت انا و اخوي ننطر ربع ساعة و ماكو فايدة ، نزلت كلمت حارس المدرسة ولا أشوف هندي سمعني وراح يركض صوب السيارة فلحقته و زفيته زف لأنه أفسد خطتي بالدخول و الخروج من حولي مبكر
تصدق من كثر ما قمت أتنرفز على هالأشياء..اللي أعتقد أنها ما تسوى نرفع ضغطنا عليها...حطيت لي سايق..لأني وصلت مرحله يا أصير مجنونه و لاّ أصير مجنونه من كثر ما أعصّب
اس اتش اخاف بس معجب فيك؟:)
دير بالك الفلبينيين يخرعون :)
انا عندى مناعه من التنرفز بالسواقه الحمد لله..
مو ناقصين ضغط كفايه السكر
بس اسمع هذى
قبل كم سنه الوالد صافط فى موقف احدى الوزارت..يوم رجع الا واحد ساد عليه
طبعا تدرى الشياب معصبين من غير شى
المهم اهو ينطر و محتر
ما يشوف الا واحد يفتح الباب و يحب راسه:)
الا راعى السياره يتاسف:)
طبعا الوالد مات من الضحك و ما قاله شى
عندى سالفه على كيت بس ما بى اطول بالبلوج:)
اذا عندك دعامية ما تخاف عليها ، الزقها فيه ووخرها شوي شوي ولا هامك شي
next time fesh his wheels
Interesting thing about Aydalia starbucks is that it is the only successful enterprise on that location. Every other business on that particular location failed and sold out( was it Dairy queen and internet cafe beofre?)
Hmmm..Esetch..now every ajnabiya young woman reminds you of BuMaryoum's Kate? ;)
Jandeef:
أنت شنو مقعدك هالحزّه؟
انا مره صافط سيارتى و عندما رجعت
لقت واحد صافط بالنص صاك على
عموما قعت اعابل بالسياره
يمين شمال ورا جدام لمده 12 دقيقه تقريبا كان فيه واحد واقف يطالع ما ادرى شنو سالفته ، بعد ما طلعت السياره جاء بجانبى و قالى "ما توقعتك تطلعها " و فتح باب السياره الى صاكه على و دقها سلف
Forza
أعتقد ان في مثل هذه الظروف من الممكن تكييف القانون بحيث يجيزلك ان تذبح هالأثول هذا... لا و اعتبر انك سويت شي يدخل من ضمن باب الأعمال الجليلة بعد
bo_ghazi
مع الهنود حدث ولا حرج في سالفة تستاهل تنروي بس مو ألحين
Kuwaiti_Man
صاج والله الكلمة الطيبة أحسن آنه شخصيا والله أقابلهم بإبتسامه
nanonano
والله زين ما سويتي
بومريوم
الظاهر صاحبنا جذي بس مو باين عليه فاهمني
كله صوب والفلبينيين إللي بشيليز
قول ولا تخبي يا زين خصوصا سالفة كيت
8-)
Jandeef
لا يا معود ، ما أسويها ليش عوار الراس
purg
شالفايدة أهو صاك عليك، راح تنلطع أكثر
Ms. J
she reminded me of her but Bu Maryoum's Kate looks like Meg Ryan
Forza
Good one
صج نحيس هذا
This comment has been removed by a blog administrator.
انا عمري ما صار فيني هالموقف
بس كل ما أمر على مواقف رميثيه إلي صوب الخبار والصيدليه وصفة هالمحلات لااازم واحد مصكر عالثاني لي درجه ان الناس ملت وقامت تصفط نص السياره برا الموقف علشان محد يصكر عليهم واذا صكر عليه راح يصكر السايد إلي ماشي فيه
it not about this time, it is about the next times he does it..
هني وهافية التول كابتشينو:)
اليوم بعد 6ساعات دراسة طلعت من الجامعة الا واحد صافط جدامي والثاني وراي ومافي الا مساحة اقل من صغيرة عشان اطلع!
حاولت اركز يسار يمكن ماكو فايدة
مافيني حيل أفكر
دعمت اللي وراي وطلعت ودقيت بشرت الوالد عشان أبري ذمتي
:))
Nano,
الجو حر ومكيف الشقة خربان وانا اخوج
Post a Comment
<< Home