Tuesday, December 06, 2005

الوداع ، الوداع ، الوداع

حزنت لما إختفى بلوغ بومريوم. والمثير بالأمر إنه من غير سابق إنذار. المفاجأة كانت كبيرة

إذا كان السبب تقني، فالمعذرة، أما لو كان شخصي، فنحن نقدر كل حبيب وظروفه

أما إذا كان السبب الإقط أو اليقط، فآنه أتضامن مع بومريوم

فمني لكم وداع حار والأبيات التالية مني لبومريوم

يا حيف على بومريوم يوم هد البلوغ وراح
ونيس بسوالفه يوم يكتب القلم ويدور الراح
ليت الزمن ما دار والوقت ما راح

وقت ما سمعنا الخبر كرهنا هاليوم
الوقت فينا وقف من ذاك اليوم
إرجع ولا تغيب عنا يا بومريوم

بردتك يرد النسم والبال في راح


الوداع


17 Comments:

Blogger forzaq8 said...

يوم حزين

يا بومريوم لا تتركنا

9:11 AM  
Blogger Zaydoun said...

اي والله يوم حزين

9:45 AM  
Blogger nanonano said...

ما تتخيل شلون ضايق خلقي

9:47 AM  
Blogger bo_ghazi said...

يوم أسود و انت الصاج

10:08 AM  
Blogger NYchick said...

قبل لا ينمسح البوست مثل العادة(اثنين يتعلقون بالموضوع انمسحوا)

بومريوم رد و عندي لك قصيدة كلاسيك علشان تكملها

مثل خالد المريخي و نهى نبيل بوست

و كيلو رهش بالككاو
و ماي باجيلا

10:14 AM  
Blogger nanonano said...

NYchick:
الحمدالله لي الحين ما انمسح الموضوع...ان شاء الله يصمد هالمره

11:49 AM  
Blogger بومريوم said...

العزيز اس اتش
زيدون
نانو
بو غازى
فورزا
ان واى

أول شى اقدم أعتذارى لكم..
لانى مسحت البلوج و هذا مو من حقى
لانى دايما كنت أعتبر البلوج شراكه ربع لى و ثلاث أرباع للى يعلقون

صح انا اللى اللى اكتب الموضوع بس دوم يكون ناقص..و اللى يكملة انتوا

ساعات الانسان اذا عصب يسوى أشياء غبيه
و اللى يعرفنى صج ما راح يستغرب انى مسحت البلوج

بس الصراحه انا مصدوم من رده الفعل..و فرحان
لانى كنت متوقع امسح البلوج و محد راح يلاحظ

نعم البلوج راح يرجع..
محد يقدر يترك التدوين..
يمكن باجر يمكن بعد سنه
أدعولى بس الله يفرجها

زيدون و بوغازى و اس اتش و ليل الين و مادام
فعلا أحرجتونى..ما أدرى شقول
اول مره أحس لسانى ينربط

مشكورين مره ثانيه

12:01 PM  
Blogger Jandeef said...

بومريوم

لا يكون اللي في بالي؟

اشتقنا لك من الحين

12:14 PM  
Blogger nanonano said...

بو مريوم:
أهم شي أنك ما فيك شي...و نوبة ضيجه...الله راح يفرجها...بس لا تطول الغيبات...لأن مكانك وايد مبين

12:30 PM  
Blogger bo_ghazi said...

bo maryoom just reading ur comment made my day :)

Hope all turns out well for you my friend..
oh, & don't worry be happy ;)

12:35 PM  
Blogger Shurouq said...

بو مريوم
الله لا يسامح اللي زعلك

المهم انك طمنتنا عليك
ولا تطول الغيبة ترى كلنا نحبك.. نعم

واس اتش
مشكوور على هالبوست الصامد

2:58 PM  
Blogger LiL Alien said...

بو مريوم

لازلت اعد شعري ;)
شعره شعره .. في انتظارك يالغالي .. جم متحلطم عندنا ؟؟؟

5:01 PM  
Blogger shosho said...

Bo_maryoom plz come back quickly, you will be truly missed :(

7:54 PM  
Blogger Anti_Reason said...

Bu Maryoum is quitting?
At first I didn’t follow the discussion, but then I checked and his blog is gone?!?!
Why; oh but WHY?

9:56 PM  
Blogger الأجنحة المتكسرة said...

ناطرينك

11:34 PM  
Blogger LiL Alien said...

Vote .. Vote .. Vote

Here!

7:56 PM  
Blogger esetch said...

الأخوة والأخوات

أولاً البوست كان للتضامن مع بومريوم، وردود الفعل أثلجت صدري

ثانياً السعادة بمشاركة بومريوم ورده السريع وتوضيح الأمر

ثالثاً إلى العزيز بومريوم، أفا عليك وسع الصدر يالحبيب. روح إستريح إشوي ونفس عن نفسك بس القطيعة لا، ما نقبلها

الشكر للجميع على تضامنهم وتفاعلهم، لكم مني كل المحبة

1:36 PM  

Post a Comment

<< Home