Thursday, August 18, 2005

يهالوه


إشصاير لنا
ذلك اليوم، أظن بجريدة الوطن، مسوين تحقيق عن الطلاق بالكويت. أرقام مرعبة، معلومات تخوف

ليش حالات الطلاق مرتفعة؟ إللي قاعد أشوفه، أعمار المتزوجين كل مالها وبالنازل. اليهال قاعدين يجييبون يهال

عبالهم الزواج وناسة، طلعة مطعم، شوية سفر، سوالف

كل يوم دازين لنا كرت، نتشرف بدعوتكم لحضور حفلة زفاف ولدينا فلان وفلانة

لا والملحوظة، جنة الأطفال منزلهم، يا معود خلوا اليهال بالحفلة عشان يشوفون ربعهم يتزوجون

لا وقبل كم يوم، زايرتنا صديقة للعائلة، وتشكي بأن بنتها ضايق خلقها وحايشها إكتئاب، إي ليش؟ والله كل ربعها تزوجوا وإهي لحد ألحين من غير زوج، الإبنية عمرها أثنين وعشرين سنة

بالله الواحد شيقول


كل هذا ذكرني بأغنية لحمد سنان من قصيدة تقول

أتت هند شاكية لأمها فسبحان الذي جمع النيرين
وقالت لها أنها بالضحى أتاني وقبلني قبلتين
وفر لما رآني الدجى وأعطاني من شعره خصلتين
وذوب من لونه سائلاً وكحلني منه في المقلتين
ولم أدر يا أمي بل ضمني وألقى على مبسمي نجمتين
فغطيت وجهي ولكنه إلى الصدر يا أمي مد اليدين
فيا دهشتي حين فتحت عيني وأبصرت في الصدر رمانتين
وها أنا أشكو إليك الجميع فبالله يا أمي ماذا ترين
وقالت وقد ضحكت أمها وماتت من العزم في شرقتين
عرفتهم واحداً واحداً فذوقي الذي ذقته مرتين

كفو ... خوش أم ... بيض الله ويهها

4 Comments:

Blogger Judy Abbott said...

شوف يا يبا اهوا لا ام تتدخل و لا ابو يتكلم اهوا البنت و الولد كل واحد فيهم يمثل على الثاني و لما يحتكون في بعض تطلع الصجية يا الولد مو ريال يا البنت مو مراة و لا واحد فيهم مستعد يتجمل اي مسؤوليه او يضحي بابسط شي.
الصراحه في قصص وايده و النتيجه بالاخير اهوا مو ريال و اهيا مو مراة يعني و لا واحد فيهم يتصرف ابرزانه

صاير الزواج ابهالديرة مو لهدف الزواج لكن لهدف الجنس و هذا اهوا الواقع
الي يبون الزواج نفسه ما اتحس فيهم
they struggle to keep their marrige.

12:59 AM  
Blogger LiL Alien said...

عزيزي الارضي esetch

اي عمر بعد العشرين يعتبر مناسب للزواج .. لكن مشكلة الطلاق بالكويت ليست مشكلة عمر انما قوانين الكويت تسمح وتسهل عملية الطلاق.

على سبيل المثال: مرأه تريد الطلاق من زوجها .. تذهب الى المحكمه وبكل بساطه تقول زوجي يريد معاشرتي من الخلف وتخلص السالفه. شنو الاثباتات؟ لايوجد!

حق المرأه يقول ان للمرأه نصيب نص البيت .. يعني متى ماطق براسها تبي همجة فلوس .. تروح المحكمة وتقول انا ابي نصيبي بالبيت .. يعني يازوجي يعطيني يا ينباع البيت. وبذلك ماكو زوج يعيش مع زوجه سوت فيه جذي.

وحده تبي تحرق دم زوجها .. تطلب الطلاق بأي عذر .. وحق المرأه ان تأخذ حضانة الاطفال. الا اذا كانوا كبار فهم يقررون والاغلب ان الاطفال يفضلون الام.

واخر فنتكه تقول: يحق للمرأه ان تطلب الطلاق .. اذا نام زوجها وهو معطيها ظهره.

كما ان معاش المرأه بالكويت قوي ويوصل الى ان مستوى معاش الرجل .. فشنو يخلي المرأه تحتاج الرجل؟ ليش عوار الرأس؟ يعني مدرسه معاشها 600 دينار وجامعي بالقطاع النفطي 700 دينار .. ليش؟ خل الرجال يصيرون مدرسين ويريحون راسهم.

ادري صدعتكم بس هذي 2% من الحالات اللي اشوفها شخصيا تقريبا كل يوم.

وخارج الموضوع شنو سالفة الاعلانات عندك في البوست؟ كأنك قلبت المدونه جريدة وسيط؟ :P

12:18 PM  
Blogger meo said...

esetch
بما انك يبت طاري الاغنية
صار لي اكثر من الاربع 6 سنين
كل ما اسمعها و اسأل فيها محد يعرف
اخر بيتين شنو معناتهم
الام ماتت و لا لأ
و منو اللي عرفهم واحداً واحداً
الام و لا البنت
و اذا الام شلون تكلم بعد ما شرقت و ماتت

:) راح اكون جدا شاكر لك
و تحل عندي ازمة و متأزمه

و على الموضوع للأسف الافاده مو عندي
لاني توني عزوبي :)
و العايله عندنا و لله الحمد استييبل
بس الله يستر على المطلقين و المطلقات
و الله يعينهم الصراحة انا ما اشوفه شي سهل و خصوصا اذا في يهال

10:02 PM  
Blogger esetch said...

JA
يعني توافقيني
إشوية يهال

Lil Alien
مو بالضرورة البنت تبي فلوس، ولكن يمكن لها طلبات ما يقدر الريل يوفرها لها، وآنه أوافقك، قانون الأحوال الشخصية مافي بهالبلد، عيل مرة تروح للقاضي تقول له، طليقي كان ماخذ ذهبي كله وقيمتهم خمسين ألف دينار يقول لها بس حلفي، يصدقها ويحكم لها، آلو للحرامي إحلف،

ولكن هم الياييل ربعنا ترى يمصخونها بعد

Meo
أولاً مرحباً فيك ببلوغي المتواضع

أما بخصوص البيت، فالأم ما ماتت ولكن الشاعر يمثل لنا حاله الأم مثل ما نقول إحنا والله مت من الضحك، طبعاً آنه لما أقول هالكلام ما مت في الحقيقة ولكن قربت من إني أموت
يعني الأم ماتت من الضحك

ولما تقول لبنتها عرفتهمم واحداً واحداً

فراجع معاي البنت من ذكرت

العيون، الشفايف، و ... الثديين

وتنصحها بالنهاية بإعادة الكرة

بارك الله فيها من أم

8-))

10:13 AM  

Post a Comment

<< Home