Wednesday, August 10, 2005

كله من ولادة


بالرغم من وصول البرحي وجونا قبل يومين صاير صحرا من الغبار، فإن ولادة بنت المستكفي جارتنا العزيزة فجرت تشرنوبل غزل وحب وغرام

بصراحة إحنا كنا محتاجين لهالشي، فالشكر لها مقدماًُ

وكوني إندمجت بالحاله الغزلية، شغلت الآيبود ميني وقعدت أستمتع بالعدنيات الطربية وغيرها من الأغاني

فجأة طلع لنا بوحنان، خالد الملا قاعد يغني هالموال

صوت سمعته وتل صوتي من أقصاه
لو ما ضلوعي راح قلبي مع الصوت

صوت من يسمعه لو ميت قلبه أحياه
ويحيي العليل إللي على حفرة الموت

ما كل واحد يدرك إللي يتمناه
والحبل ما هو للمحبين مفلوت

أنا إذا قابلت طلعه محياه
ما أحسد إللي راح يصيف ببيروت

والله لو تسمح الأقدار وتجمعني وياه
في ظل خيمة أحسن من أوتيل ماريوت

أنا إن مت بأسبابه تكفون
قطوني عند بيتهم بتابوت

الله يهداك بوحنون موالك بغي يقلبني بالشارع .... من الضحك

5 Comments:

Blogger بومريوم said...

قمة الرومانسيه صراحه
تخيل دويتو خالد الملا و نوال الزغبى

9:18 AM  
Blogger Shurouq said...

lol
خوش موال

ما أقول إلا الله يخليلنا ولادة ويكثر من أمثالها

9:22 AM  
Blogger esetch said...

بومريوم
هذي فعلاً فكرة وخصوصاً أثنينهم من الصليبخات

شروق
آمييييين

9:27 AM  
Blogger ولاّدة said...

وسعت صدري من الصبح الله يوسع صدرك

10:23 AM  
Blogger nanonano said...

LooOOOooL.....
أنت الوحيد اللي تطلع بهالطلعات
و شكرا ولاده...أنقذتينا كلنا من حالة اليأس اللي كنا فيها

2:45 PM  

Post a Comment

<< Home