رواية فاصلة منقطة – الجزء الخامس عشر

الزمان : السبت – 6 / يوليو / 1996 – الساعة التاسعة والنصف مساءاً
المكان : مبني رقم 6 – مركز الحاسب الآلي - الهيئة العامة للأبحاث والدراسات العلمية

"ها شخبار الوالد، وديته" يسأله سعود
"إيه، وچنه زعل لما طلعته من العرس مبچر. آنه بعرف منهو يتزوج يوم السبت؟" يرد صلاح
"الظاهر مو لاقين حجز ليلة اليمعة"
"الظاهر چذي، ..، إنتو إشعندكم؟" يسأله

"يو وونت بيليڤ إت بوصلوح، بت هي واز سنفنغ أور نتوورك" يحدثه سعود
"بعد !!!" متعجب ، "إز هي كيپنغ أني ريكوردز؟" يسأله صلاح
"أوف كوورس. إن ون أوڤ ذ كريزي فايلز وذ إسترينج نيمز" يرد سعود، "آند غت ذس، هي تايمد الپروسس عشان يشتغل في فترة معينة، سم تايم الصبح"

"أي وقت بالضبط" يسأله صلاح
"من الساعه ثمان الصبح لين الساعه ثنتين، بنهاية الدوام"

"غريت، هذا معناته إنه أ لوكال بوي، واحد كويتي، يعرف توقيت دواماتنا، هل البروسس واقف بعد الظهر" يسأله صلاح ويهز سعود رأسه مجيباً بنعم، "خوش، خل البروسس بالسستم بس لا يشتغل، إحنا نغير معلومات الريكورد ماله حسب إللي إحنا نبيه ونچيكه يومياً مع تغيير التاريخ والوقت عشان لا يحس بشي. ووقت ما نبي، إنضيف سيرڤر ولا إثنين حسب المزاج، يعني تراپ سيرڤرز" يسرد صلاح

"إشقصدك بوصلوح بتراپ سيرڤرز، ماني فاهم" يسأله سعود

"شوف، إحنا نبي نشوف إش يـبي يسوي، أنت معاي" يهز سعود رأسه موافقاً، "ولكن بالحاله الطبيعية يمكن يخرب السيرڤرات أو يدخل على بعض السيرفرات إللي تكون حساسة، إذا إحنا خليناه على كيفه الله العالم إشراح يسوي. طيب، إحنا نسوي سيرڤر ديكوي، طعم حقه، ونترس هالسيرڤر بأكبر عدد من الملفات والمعلومات ونبينها كإنها خطيرة وحساسة، هيز غانا لاڤ إت. راح نشغله أطول فترة ممكنه بهالسيرڤر لين نشوفل حل لهالهاكر" يشرح صلاح

"آه آي سي يور پوينت، نوت باد، نوت باد آت أوول" يهز سعود رأسه مبدياً إعجابه بالخطه
"عاد هالشي عليك بوعزوز، سو لنا سيرڤر يخليه يجن وما وده يهده لحظه، آنه راح أييب لك المعلومات والملفات المطلوبه لهالشي" يطلب منه صلاح

يقترب منهم يعقوب ملوحاً بعض الورق بيده
"آي هاڤ فاوند ڤايڤ أكاونتس، وثلاثه ثانيين على الأيميل سيرڤر" يحدثهم يعقوب
"راوني بالله" يطلب منه صلاح
"شوف" يريه يعقوب

sh236901
sh236902
sh236903
sh236904
sh236905

"نفس الشي بالأيميل سيرڤر، نفس الإسماء " يتابع يعقوب
"إتز ذ سيم آز أور ستاندرد، نفس الستايل وطريقه الأسماء ، بس في شي غير ما أدري، ذي سيم أوفلي إسترينج، يو نو. ...، أكيد هالشي مو صدفه. أوكي، أوكي، آه، ...، سعود، أبي إسكرپت بسرعه، على بوث سيرڤرز. ون إڤر أني أوڤ ذ أكاونتس غوت أكتيڤيتد، ذ سستم مست پيج أس أوول" يوضح صلاح رغبته بأن يصل الحسابات التي إبتكرها الهاكر ببرنامج إتصالات يـبلغهم عن طريق البيجر كلما أستخدم أحد هذه الحسابات.

"يو غوت إت" يجيب سعود ويبدأ بكتابة البرنامج


إنتهى الجزء الخامس عشر
ويتبع في الجزء القادم