ما أقدر أكثر من جذي

آنه إشكثر علي كفارات

كل ما أقول مابي أعلق ، الشباب يتفنتكون ويبطون الجبد

الحبيب شعارة الكويت تجمعنا، لا وتتعدد قبائلنا وأسرنا. وآخرتها حاط الحركة الدستورية الإسلامية. إنت متأكد إن اليمعة بالكويت ولا بالقصر الأصفر بالروضة؟

الثاني عنده ثوابت شرعية ومكتسبات شعبية. آنه ما أدري شنو الثوابت بس متأكد بأن المكتسبات هي: ديوانية مخالفة، وخمسين دينار غصب طيب، وطبعاً ما ننسى الفرعيات

والشاب اللطيف إللي منزل إعلان حق أحد المرشحين يشكره على دعمه المادي والمعنوي إللي خلاهم يفوزون بانتخابات الطلبة بمصر، القبلية وصلت حتى مصر

بس أحلى جملة في إعلان: لمعدم المشاركة في جلسة تجريم الإنتخابات الفرعية، يا ولد ... لا حلوة

+++++

بذمتكم هذا طرح نواب المستقبل

آنه بخبري النائب دوره الأكبر تشريعي والأصغر رقابي. طبعاً المجلس السابق نسى الدور التشريعي وركز على الرقابي وتمادى فيه

بس المرشحين تحس إنه ما عندهم أي توجه حتى التكتلات، حدس من إعلانات المرشحين، واحد حاط الحفاظ على المكتسبات وآخرين مركزين على الوضع الصحي. خطة عمل ما في

+++++

بصراحة إحنا لازم نجرب حريم الكويت، والله آنه أعتقد بأن طرحهم راح يكون أفضل من الرياييل

+++++

خبر مشوق

تم القبض على فتى الحجارة إللي برز في أحداث الصباحية، تذكرونه إللي بكل صورة شايل صخره لون


+++++

آنه صوتي حق بومريوم (الدائرة السادسة)
يستاهل

تحياتي