Tuesday, March 18, 2008

الله يا الدنياااااا، ، ، ومتفرقات أخرى

قبل كل شي، ولكي لا أتهم بتهم باطلة،،،،، آنه وأعوذ بالله منها،،،، متحيز للصليبخات.



الصليبخات موجودة رسمياً من 1973 . توه العم بومرزوق (السيد علي محمد ثنيان الغانم ) الله يحفظه ويسلمه يتذكرها إنها منطقة بالكويت و يتبرع ببناء مركز صحي فيها راح يكلف مليون ونص دينار.

وينك يالحبيب من زمان.


يا معود إذا بتضبك المحروس، أبوي لا مركز صحي ولا نادي ينفع. خل الماستر بومشعل يعلمك أصول اللعب بالصليبخات. بألف دينار من هالمليون إشتر أظرف رسايل بيضة وقسم الباجي على الشباب أضمن.

على قولتهم: آل مركز صحي آل.

+++++

أوكي حاط لزقة إشكبرها على السيارة لمقاطعة الإتحاد الأوروبي (علم الإتحاد وعليه إكس). ماشي

المصيبة قاعد يسوق ستروين!!! إشلون؟؟؟ لو تويوتا جان قلنا يالله ، بس مو سيارة أوروبية


Labels:

9 Comments:

Blogger Judy Abbot said...

اهما لا يتبرعون حق مستشفي جديد خل يعدلون وزاره الصحه و الاطباء الي فيها قبل ما يفتحون مركز جديد يموتون الناس فيه

يعني معقوله اسعاف يكون عباره عن وانيت و كل الي فيه انبوبه اوكسجين!

يعني ديره الناس يتعرجبون و يطيحون و يموتون بالاسعاف

it doesn't make any sense ~!

8:24 PM  
Blogger بومريوم said...

لووووووووول
و الله انك ملك..
من أمس و انا أحاول أفك اللغز....

الله يا احنا بنكتب بوستات اذا انحل المجلس:)

10:33 PM  
Blogger q80_demon said...

درت ولفيت وصعدت ونزلت و ، ... ، اخرتها رجعت حق سوالف الصليبيخات واسم تعرفه وتثق به! عجيب

بس من الحين اقولك، انا بعيد عن ديرة ارض العجائب وخرابيط اراجوزات الأمة، في حالة الحل - حل ناريل؟ - مالي شغل بسوالف مصبنتشية الامة، بس ابي اعرف سالفة الحدبقون
:-))

11:15 PM  
Blogger Enter-Q8 said...

تهقى يرهم مرزوق بالصليبخات

انا احس ان الصليبخات صارت الرقم الصعب هالسنة

و راح تدخل خريطة المعادلة الصعبة

و احتمال تزدهر و ترتفع فيها اسعار الاراضي و الخدمات راح تكون قوية

و يمكن مو اكيد تصك على النزهة
و اذا مو النزهة اكيد الفيحاء

انا بعرف المطير و ينه
صارلي مده مو سامع صوته
يا جماعة اللي يعرف شي يبلغنا
يمكن الريال مريض فيه شي

منقلب بسيكل

1:23 AM  
Blogger q80_demon said...

الحقيقة مالي خلق الحين بعد سماعي بوفاة آرثر كلارك ... لازم تتوقف عن التدوين لمدة اربعين يوما بلياليهم

1:50 AM  
Blogger esetch said...

Judy
شقول أوافقك ميه بالميه

بومريوم
لازم نهوس إشوي
وصيحتنا تكون "إن شالله ينحل إن شالله ينحل" وطبهاً لا تنسى الصفقة

ديمن
ما أقدر بمجرد ما يجيبون إسنم الصليبخات تجيني رعشة بقمحدوي

آرثر كلارك مات، إنا لله وإنا إليه راجعون، تأبينه وين

إنتر
روح شوف الملصقات بالجمعية
الحبيب مضبط الشغل، أول ريدي ناس من المنطقة شغالين وياه

10:04 AM  
Blogger q80_demon said...

"آرثر كلارك مات، إنا لله وإنا إليه راجعون، تأبينه وين"

... near the crater Tycho

10:56 AM  
Blogger بومريوم said...

منو آرثر بن كلارك؟
انتوا يا المخملين عليكم سوالف..
لا يكون من ربع مغنية بس:P

8:41 AM  
Blogger esetch said...

بومريوم

واحد سيلاني

11:55 AM  

Post a Comment

<< Home