Monday, April 14, 2008

يا من شراله من حلاله علة


ما شي بأمان الله، الشارع زحمة، كالعادة شنو جديد

طاخ طيخ طم بطنق #$^^%#^&@%$*&$ شووووو

سلامات سلامات

الحبيب داش فينا وتلف البنتلي بو لون نهدي (البنتلي العنابية بالكراج)، معلهش تأمين شامل

آنه: الله بالخير، يبه زحمة علامك
أهو: شوف ما بي لغوة آنه سكران ومو فاضيلك، آسفين وخلاص
آنه: خلاص حقك علي، آنه أدق على ثلاث سبعات

الحبيب بس سمع الشرطة، صحى وتقول شارب رد بول (طلعت له جوااانح) وطار، طبعاً بردته قري شال ركبتي وياه

المخفر، قضية دهس وهروب
آنه: لا والله بس صدت ثلاث أرقام من اليسار ولون السيارة وماركتها
المباحث: والله العملية صعبة ما أفتكر راح نقدر نصيده

آنه: (مبتسم وبقلبي يعني بس شاطرين تتشطرون على الفرعيات وأبناء القبايل والمؤبنين) إيه الله يعينكم ، بس ترى الشغلة سهلة
المباحث: لآاااااااااااا، لازم نخاطب الكمبيوتر وشغلة ترى
آنه: (هم بقلبي: يبه أمر البحث كالآتي:
select * from THE TABLE where CAR PLATE NUMBER = "123%" and Color = "GRAY" and model = "Mercedes Benz"
وخلصنا) إيه الله يعينكم
المباحث: لا ، لا تحاتي

والله قمت فعلاً أحاتي

المحقق: قول لنا السالفة من أولها
آنه: دودودم دودودم دودودم إلخ إلخ إلخ
المحقق: راجعنا بعد إسبوع ويصير خير
آنه: أخوي عطني ورقة للتأمين عشان أصلح السيارة
المحقق: لازم أول شي رد المباحث، بعد إسبوع
آنه: خير إن شالله

بعد إسبوع بالتحقيقات ، وعند محقق ثاني (صاحبنا الأولاني مريض وماخذ إجازة)

المحقق: قول لنا السالفة من أولها
آنه: دودودم دودودم دودودم إلخ إلخ إلخ
المحقق: راجعنا بعد إسبوع ويصير خير
آنه: أخوي لو بس تعطيني ورقة للتأمين عشان أصلح السيارة
المحقق: ما أقدر لازم أول شي رد المباحث، بعد إسبوع راجعنا
آنه: خير إن شالله


بعد إسبوع بالتحقيقات ، وعند محقق ثالث (صاحبنا الأولاني لحد ألحين مريض وماخذ إجازة)

المحقق: قول لنا السالفة من أولها
آنه: دودودم دودودم دودودم إلخ إلخ إلخ
المحقق: راجعنا بعد إسبوع ويصير خير
آنه: أخوي لو بس تعطيني ورقة للتأمين عشان أصلح السيارة
المحقق: ما أقدر لازم أول شي رد المباحث، بعد إسبوع راجعنا
آنه: خير إن شالله

بعد إسبوع بالتحقيقات ، وعند رئيس المحققين (صاحبنا الأولاني لحد ألحين مريض وماخذ إجازة)
بعد طول الإنتظار ليمن يخلص سالفته مع المحققة

وطبعاً سوالفهم كلها واصله لغرفة الإنتظار (كان باقي يسألها أي نوع من الفوط النسائية إللي تستخدمها)

وعلى ما جلال البنغالي ياب ملف القضية

الرئيس: قول لنا السالفة من أولها
آنه: دودودم دودودم دودودم إلخ إلخ إلخ
الرئيس: والله العملية صعبة ما أفتكر راح نقدر نصيده (نفس كلام المباحث)
آنه: يالحبيب آنه متنازل ومسامحه بسحب القضية بس خل أخلص
الرئيس: لا يا خوي صعبة العملية جذي
آنه: طيب يالحبيب لو بس تعطيني ورقة للتأمين عشان أصلح السيارة
الرئيس: ما أقدر لازم أول شي رد المباحث، بعد إسبوع راجعنا
آنه: خير إن شالله

هذا آنه المدعوم وملعون خيري وصار فيني جذي

الله يعين المجرمين الصج



Labels: , ,

9 Comments:

Blogger ناصر الكويت said...

نفس لون الكامري مالتي

الحين اكتشفت عشق بو مريوم لك


وخطاك السو

9:52 PM  
Blogger يعقووبوو said...

الحل ان تخلي واحد من ربعك عنده جيب قديم و يدعمك بمكان الدعمة القديمة
وتصليحك شامل ويصلح لكم انتوا الاثنين (-:
--
في اوروبا و الدول المتقدمة شركات التأمين يحققون بانك متحايل عليهم او لأ
اما الكويت على طول يعدلون لك D-;

3:57 AM  
Blogger LiL ALiEN said...

لو كنت سكران جان فالت منها .. خطاك السو


المهم خلنا بالموضوع الاهم


يقولون امبراطورية الصليبيخات الفلوس تطير بالهوا .. والكل يقرقش ويدفع .. دزلي احداثية اي واحد دفيع

6:50 AM  
Blogger esetch said...

خطاكم اللاش جميعاً

ناصر
مرحبا بك، بومريوم آنه كل يوم أحره، أروح أشفط يم ديوانيته المخالفة بالبنتلي

يعقووبوو
والله فكرة على الأقل تغيير نمط حياتي

بالدول المتقدمة يعطونك تعويض حتى عن الإصابات الشخصية، آنه حتى دهان روبيكام ما الإمارات الطبيب رفض يكتبي ياه

إلين
شكله السكران طاله من ليلة مو بس حمرة إلا لونها لون جهنم

المصيبه أوهو ينـ .... وإحنا نتسبح (لا مواخذة على الجملة)

أما بخصوص الصليبخات، يا معود آنه توني أكتشف بأن الصقر والغانم عنوز

قاعدين يدورون على الدواووين وإحنا عنوز وإحنا عنوز

والصقر حسب ما وصلني (يقولون - أخاب تحسبني آنه إللي أقول) يدور على دواووين الشيعة ويقول لهم آنه وياكم ومع عبدالصمد ولاري

وعل قولة أحد الخبثاء ناقص الصقر يقول آنه كنت بالحسينية مع المؤبنين

سعر الصوت لحد ألحين مو واضح، المزاد ما بدا وراح نوافيكم بالأخبار أول ما توصل لنا

7:26 AM  
Blogger بومريوم said...

شفت الصورة شرقت

بحول قيدي عندكم

8:45 AM  
Blogger LiL ALiEN said...

شوف انا بفيدك لكن بمقابل

هذا مو صاحبك؟


دورلي منو بدائرتكم يدفع اكثر :)

7:29 PM  
Blogger esetch said...

بومريوم
سلامتك، فداك الموتر وصاحبه
أفا عليك أذا تامر على السلفر غوست ترى حاضرين



إلين
الصليبخات ألحين هدوء قبل العاصفة

7:54 AM  
Blogger ولاّدة said...

سلامات

بالكويت تندعم تطلع غلطان

3:52 PM  
Blogger Poor To God said...

eshlown 9brt ?

11:53 PM  

Post a Comment

<< Home