Monday, September 17, 2007

كبة الحامض

وردنا من الخاتون موفقة هذه الوصفة ننشرها للتعميم:

كبة الحامض من الأكلات العراقية الشهيرة الطيبة وطريقة عملها كلش سهلة


نجيب رز (تمن) وننقعة 6 ساعات.

ويكون عدنا نصف مقدار الرز لحمة مفرومة ناشفة من السمن.

1 بصلة مفرومة إبشكل ناعم كلش.

فرد 1 كوب حمص منقع قبل يوم بالماء وكاربونات الصوديوم

1 بصلة صغيرة إمقطعة ناعمة.

2 كوب سلق مفروم ناعم.

شلغم مقشر ومقطع هلال متوسط الثخن.

2 ملعقة صلصة طماطه.

4 كوب عصير طماطة مصفى.

4 كوب ماء

ملح وفلفل أسود.

أول إيشي يصفى الرز من الماء ووينفرم بالتناوب مع اللحمة في ماكنة مولينكس لفرم اللحم وانتبهي
ان يكون الفرم كلش بطئ حتى ما يغرز الرز في الماكنة وتتعذبين يعني دادة طولي بالك وبعدين
تكون عندك عجينة لونها وردي تملحيها واذا كانت العجينة يابسة قليلا رشيها بشوية ما. لفي العجينة بكيس نايلون وادخليها الثلاجة

هسى نسوي الحشوة وتتكون من:
اللحمة مفرومة نحمسها تمام مع بصلة مفرومة ناعم جدا بالزيت
ونضيف لها ملح وفلفل اسود ونتركها الى ان تستوي ونتركها تبرد على راحتها بعدها نقوم
ناخذ قطعة عجينة ونفتحها خفبفة لانها كلما كانت قشر الكبة خفيفة كانت اطيب ونحشيها
بالحشوة ونكورها


أما بالنسبة لللصلصة لطبخ الكبة، فنبدأ بتحميس البصل شوية وفوقه الشلغم وبعدها السلق ونصفي الحمص من الماي ونصبه فوقهم. قلبيهم عدل وضيفي الصلصة وقلبيها معهم فرد 5 دقائق وثم صبي ماء الطماطة والماء واتركي المرق تغلى وننزل الكبة الواحدة بعد الاخرى وننتظر تغلى المرقة وبعدها نقلل النار ثم نغطي القدر ونتركه من نصف ساعة الى ثلاثة ارباع الساعة حتى تستوي الكبة.

وألف هنا وعافية.

6 Comments:

Blogger q80_demon said...

اغاتي، انت متاكد من ان هالخاتون صُدٌق تطبخ؟ قاعد اباوع بالمقادير والاقيها تريد توكلنا كاربونات الصوديوم
Na2CO3
وحسب معلوماتي المتواضعة بالكيمياء فهذه المادة لاتستخدم بالطبخ، وانما بصنع الزجاج وكمادة معاونة لمساحيق التنظيف وايضا لمعالجة المياه الحمضية - بس مو كبة الحامض

اخاف الخاتون تقصد بيكاربونات الصوديوم - تدري ذاك الباكيت ياللي ينحط داخل الثلاجة منشان الريحه، ومرسوم عليه ذراع ومطرقة
NaHCO3
ارجو مايكون هذا مخطط بعثي صدامي غفلقي لتسميم الشعب الكويتي

شخبار مولينيكس؟

5:50 PM  
Blogger Shurouq said...

عيني آني ما آكُل لحم.. يعني لو الخاتون تسويلنا فد كبة بطاط والا مرق بامية أكون كُلّش ممنونة




Esetch, are you possessed?

9:21 PM  
Blogger esetch said...

لقد أعطينا الخاتون موفقة الحق بالرد على رسائل وتعليقات المعجبين
بواسطة حسابنا الشخص كونها موضوعة على لائحة داعمي الإرهاب (حسب المصادر الأميريكية ) ولا تستطيع فتح حساب بالغوغل

=====================================

الإبليس الكويتي
هاي كاربونات الصوديوم بنحطها بأكلنا من يوم نحنا جهال

عاد خل عندك شوية ذوق عيوني ما تشوفني مملوحة إهواية، هاي كوله منه

عاد شنو يقولون إله ما بعرف كاربونات ولا بيكاربونات المهم هذاك البودر الأبيض مال الأكل


شروق عيوني، المات الجاية راح نسوي إلج شي مخصوص داده

11:33 AM  
Blogger Judy Abbott said...

hay il wa9fa kateeer ghareeba ...

is it a real one?

5:11 AM  
Blogger ملاحـظـة said...

بما انك تعمقت
بالكبب العراقيه

نبي الوصفة اليايه
كبة الماي

9:58 AM  
Blogger Jewaira said...

Esetch
Tell your khatoun to post pictures ;)

12:57 AM  

Post a Comment

<< Home