ردينا والردة أحلى

عدنا إلى ديارنا بعد جهد وعناء

عدنا فوجدنا البلد والبلاد معفوسة

على المستوى الشخصي
أثنين من الهارد ديسكات إنضربو فلا حول ولا قوة
أول ما بطلت التلفزيون وله مؤشر
حسب أول شي إنه مؤشر الإنتاج الوطني وله مؤشر سعر النفط

وله أثاري إستهلاك الكهربه، إي الدنيا حر وموت إشمتوقعين، الإستهلاك صفر

المؤشر خير دليل للمواطنين والمقيمين للترشيد ولكنه دليل أكبر للحكومة على تنفيذ المشاريع الحيوية

بشار الصايغ وربعه،،، رحنا وطي، كإنا بنبطل الكتابة، مو ناقصين طراقات بأمن الدولة على هالعمر

مجلس الأمة كله هواش ، ماكو شي يديد ولكن حركة معصومة يديدة برافو معصومة بس كان ناقصك شي، إنتحار وشق البطن على الطريقة اليابانية القديمة عشان يسكت النائب وليد طبطبائي وزميله المسلم. ولكن فوق هذا وبطريقة - ولا ما في داعي، قدموا إستجواب في
الوقت الضايع

وراك وراك ماكو فايدة مو مرة وزدتيها بلة وصرت شيعية يالله إكليها زين


على المستوى الخليجي

مازالت الإمارات بالمقدمة
والقطريين شادين حيلهم
على طاري القطريين، يعني ما لقوا يحطون دوبهم إلا ورا الكويت، للحين زعلانين ما سلفناكم حق أحداث الحكم عندكم يبه إبروحنا مفلسين من البوقات الداخلية يايين تكملون علينا
لا بس نكتتكم علينا ، شب الليت منت بالكويت، ما فني بس تحط إبتسامة على الوجوه مثل إذا بتعيش بس مع جم نفر هاجر لقطر


على المستوى العربي
والمصريين كل يومين عندهم سالفة
خلوا كل واحد لاهي في بلاويه



يالله لا طبنا ولا غدا الشر