فالنتين نوع آخر - حديث الذكريات

تحذير : يحتوي هذا البوست على فقرات لأحداث قد لا يتقبلها الجميع، لذا إن كنت تعتقد بأي مرحلة من مراحل القراءة بأنها غير مقبولة أو غير مستساغة أو مهينة لك، يرجى التوقف، ولك الشكر مقدماً على الزيارة.

العمر يمر، والذاكرة تخوِّن، ولكن تبقى بعض الذكريات إللي ما تنمحي.

سيارة إستيشن واغن، يعني بوكس بالكويتي. أربعة أشخاص يفترون شوارع مانهاتن بنيويورك. أربعه بيكاريه، شنو طرا على بالهم؟

السايق، خلونا نسميه ع ،حافظ شوارع مانهاتن أكثر من شوارع الكويت، بس أُهو قاعد يسوق سيارة رفيجه إللي قاعد يمَّه. ومعاهم إثنين من الشباب ورا.

المراد، شباب إيشرايكم نتحرش ببنات الليل؟ يسألهم ع . عيون إللي قاعدين ورا تفتحت ، فوقه واي نوت. بس راعي السيارة بو فلان، الأكبر بالعمر متزوج وأبو عيال مو موافق ، ولكن ضغط الشباب، وكثر الدق يفل اللحام. وأخيراً وافق.

حبيبنا دار فينا، والله العالم وين ودانا ، طبيعي مو الفورتي سكند إستريت.
دخلنا شارع ون ويه، ويقول ع لنا شباب شوفوا. شنشوف ظلمة خرمس.
آها، مع التدقيق تشوف سيارة ولا سيارتين يهتزون بروحهم، إشلون؟ ولكن بعد النظر الطويل والتدقيق، .... آهاااااااااا . أوكي ، لا ما شفتوا شي يقول لنا ع ، تعالوا أراويكم بعد.

لفينا عالشارع إللي يمَّه، ولا بنات الليل ، يا ويلي، جِنَّة طالعين من مؤتمر إشكثرهم. يا إبن الحلال، ع، هالشارع جنَّة موبوء، خلنا نرد ديرتنا يُبه، لا الحبيب مصمم.
شباب خشوا إبواكتكم حَدِر الكِشن ترى هذول يطقون على البواكه أول شي.
دخلنا الشارع وصفطنا السيارة ، وإلا هجوم كاسح، تقول الديفنس لاين ، خط الدفاع مال فريق النيويورك جاينتس لكرة القدم الأميريكية هاجم عليك.

ثنتين من الأفريكان أميريكان لصقوا بالسيارة وسب بالباجي عشان لا يجربون صوبنا.

مع إن ع مِنَزل نص الجام تقريبا، بس هالثنتين دعِّسوا روحهم داخل السيارة من الدريشة مع بعض، طبعاً إحنا إنصدمنا ورحنا نضحك خصوصاً و إن الثنتين لابسن قواملق ، شلحة باللفظ الكويتي الحديث، فاللي صار، إشلون أوصف، ........، يالله ما باليد حيله، إنكشفت صدورهم واطلعت، جان يصارخ ع ، وووااااااااع ، واع واع واع .
تخيل المنظر معاي ، ثنتين مدخلين نصهم داخل السيار من صوب السايق مع إن نص الجام نازل، ووحده منهم منكشف صدرها .
إللي صار إن وحدة منهم مدت إيدها صوب السويتش تبي تاخذه و ع ،السايق يحاول يمنعها وآنه أعتقد إنها فكرت إذا خذت السويتش تقدر بعدين تساومنا عليه. ولكن بنفس الوقت الثانية إللي إنكشف، ...، إهجمت على، .....، عُضوَه الذكري، وكأن هالثنتين متفقين من قبل عالخطه. المراد، قامت ترعص وهذا يصارخ آآآآآآآي ويقول في نفس الوقت المفاتيح .

آنه عن نفسي قلبي قرب يوقف وحسيت الدنيا تدور فيني من الضحك وباجي الربع كلٍ بوادي فاطس من الضحك.

صاحبنا وبقدرة قادر، طلَّع السويتش وحذفه حَدِر ريل إللي يمه. إلحين يبي يفك إيدها من ..... مو قادر، الثانيه لما يِئِست من السويتش قامت تحسس على مخابيه تدوِّر البوك . أخيراً صاحبنا فك إيدها وخلص روحه، ألحين يبي يدزهم بره السيارة مو قادر، صدر هاذي مجلب بالجام إللي نازل للنص، لكن خلاص يا روح ما بعدك روح مثل ما يقولون حط إيده على صدرها ودزهم.

وبسرعه بسرعه أخذ السويتش ويالله النحشه.

الحاصل وصلنا لبر الأمان، وبعد ما راحت الصدمه وخف الضحك ولحظه سكون، إلتفت لنا صاحبنا وقال

تصدقون شباب، أعتقد إن ز........ [ يعني عُضوَه الذكري] دخل داخل جسمي واختفى.


الكل مره وحده مع بعض ، ووووااااااكككك كا كا كا كا كا كا كا كا كا كا كا كا كا كا كا كا