النجدة

آه، المرض تعبّني، آنه أسوء مريض. حنّتي ما توقف. أبي عصير، هاتوا لي دواي، حنّه حنّه حنّه.
ها مؤامرة علي، الكل يبيني أنام، ليش.
مابي أنام ، لازم أقاوم، ها الحبة اللي أخذتها آخر مرة غريبة. مو من ضمن أدويتي.

فجأة يقوم من نومه مفزوعاً، يمسكون به لكي لا يتحرك من فراشه.

هدوني، بشوف بومريوم شمبدع اليوم، زيدون، أنتي ريزون، نانو، بوحفص، مبتدئ، ولادة، كويتيمان، كويتزم، آآآآآه، لحقوا علي.
يمسك به أهله، يعلو الصراخ والعويل.
ولدنا قام يهذي إطلبوا له حكيم أو إسعاف. منهو هذول إللي يناديهم تعرفونهم، يصيح أحدهم.
تلك تبكي، وهذه تلطم وجهها، وآخر يضرب كفاً بكف.
هناك من يصيح، إمسكوه، إشناوي يسوي، چنه بيروح حق الكمبيوتر، إلحين هذا وقته، لا تخلونه، خلوه يرتاح.

شنو أشتبي يا الحبيب، هاتو له ورقه وقلب يبي يكتب.

يهمس أحدهم للآخر، الظاهر بيكتب وصيته، لا حول ولا قوة إلا بالله، إنا لله وإنا إليه راجعون.

يبدأ إستش بالكتابه.
برو7 7ق الكمبيوتر، بشوف البلوغز، 6ايفني وايد أشيا2 .

وليه، إش هالخرابيط، لا بالله ضاع الولد، أحد منكم يعرف إشقاعد يكتب.

خلونا نوديه يم ملا يقرا عليه أو يعطيه ماي تافل فيه يشرب منه. هذا مخاوي يني مافي شك.

بخور غتّه واعطبه.

يسمع صراخ، إطلع، إطلع، إطلع. قل أعوذ برب الفلق من شر ما خلق.

وإذا بالخيزرانه ترتفع وتهوي علي ظهره، چبلاخ.

آآآآآآآآآآآآي، يفزع ويستيقظ من نومه، غارق بالعرق، ضربات قلبه تتسارع.

أوف، أشوه أثاريه حلم.

شكراً لمن سأل عنا أثناء فترة المرض، أبعد الله عنك جميع الشرور