Wednesday, December 03, 2008

بس بالكويت


سؤال متكرر أدري. بس أكيد كل واحد فينا تساءل أو تكلم وفكر فيه وخصوصاً إذا كان معاه واحد (أو وحده) ويبي يتفلسف ويبين إنه فيلسوف وفاهم الدنيا

ليش بالكويت محد يتقيد بالنظام والقوانين؟

وآنه ما أقصد أبناء البلد والمواطنين بس، بل حتى المقيمين وهم برأيي الأكثر – وهذي مو عنصرية أو فئوية والله، تكسيراً للقوانين والأسوأ من هالفئة هم الغربيين من أوروبيين وأمريكان

هل جونا فيه شي يحرض على كسر القوانين. هل ماينا المقطر بدال مادة الفلورايد يزيدونه مادة التعدي على القانون؟ ما أفتكر بأن تلفزيون الكويت أهو السبب مع العلم بأن متابعة قنوات التلفزيون ممكن تسبب لأمراض مزمنة واحتمال معدية

شالسبب؟ تلاقينا نشط عمرنا بالدعاية لأي قانون وإعلانات وهدر - "بوق" فلوس وآخرتها على ما ميش. تذكرون ممنوع التدخين وحزام الأمان واستخدام التلفونات النقالة بالسيارة. لا كله صوب وقانون منع التدخين بالثمانينات أفتكر سموه قانون "الغنيم" نسبة للوزير وسالفة طفاياته

آنه برأيي كل هالشي بسبب الشيشة ودخانها

Labels:

4 Comments:

Blogger nanonano said...

ببساطه..لأن المسئولين بهالبلد أول ناس يكسرون القانون..أنت في بلد ينحط القانون عشان ينكسر..و لا شلون بيحملون النواب جميله..حط قانون..أييك نائب..تكسر له القانون عشان يمشي معالمته..و عقبها تكون ملكت النائب لمدى الحياة

5:32 PM  
Blogger ولاّدة said...

سؤال صعب

وعيدك مبارك

5:33 PM  
Blogger ZooZ ZaibG said...

عيدكم مبارك

كل عام وانتوا بألف خير

وعساكم من عواده

:")

9:42 PM  
Blogger -mate said...

فسرلي المواقف التالية

موظف تفتيش بالمطار، يدخن أشكره داخل منطقة مغلقة وفوق راسه علامة ممنوع التدخين أكبر من الجناط اللي يفتشهم. مع العلم حاطيلهم غرفة مدخنين تلاقيها فاضية

الدوريات، شوف جم واحد فيهم رابط حزام الأمان ويبونك تربط الحزام

طبعاً الهوامير الحجي عنهم مايخلص، والبلد قايمة على الواسطة. والواسطة في أغلب الأحيان سلطة شخص فوق القانون


إذا أصحاب السلطة مومحترمين القوانين، شنو إتوقع من المواطنين والمقيمين؟

هزُلت

6:41 AM  

Post a Comment

<< Home