ألو عمليات

بأمان الله بالشارع بعد وجبة دسمة من سمرقند

مقابل خياط العاقول بشارع أحمد الجابر وأغني سواح لعبدالحليم زحمو زالكل ناطر الباص يمشي

طاخ طيخ طرم طاش فييييييش

أوه إشصار

العقال طار وطمر ورا، الغترة بوادي، النظارة حدر ريلي

التكسي إللي ضربنا جنه قوطي معجون طماط معفوس

إلحين كل هالعالم واقفة ما لزقت فيني إلا آنه

777 ، ألو معاك 45 تفضل

يا سلام صوت يبشر بالخير

إختي صار حادث

في أحد متعور؟ ندز لكم إسعاف

لالا يالطيبة الحمد لله بس لو تدزون دورية

إن شالله دقايق وتوصل لكم الدورية

ربع ساعة محد شرف

777 ألو عمليات

يالطيبة لو تحوليني على 45

ألو نعم، إختي آنه قبل ربع ساعة داق، حادث شارع أحمد الجابر

وي محد ياك

لآ والله

خير إلحين أأكد عليهم

هندي يمر: والله سرعة مشكلة كل يوم هيني يسوي دعم
واحد هندي ثاني ماسك جنطة سمسونايت وكيس نايلون أزرق: بابا مايبي عطورات، بخور

كل شوي راعي تكسي يمر يسلم على إللي دعمني ويعطونه ماي، الثاني زقاير

واحد يمر علي: والله كله من التكاسي، محد مسوي أزمه غيرهم

واحد ثاني: والله لو مكانك جان أطقه وألعن والديه

بعد ربع ساعة من الإتصال الثاني ، نص ساعة من الحادث

777 ألو عمليات - صوت خشن جداً

أخوي بلابلابلابلابلا وأقول السالفة

بعد ساعة ونص بالتمام وبعد خمس مكالمات وكل إشوي والله تغيير شفت، والله في حادث إنقلاب على البحر، والله المركب الياي

777 ألو عمليات

أخوي يبه ما يصير جذي دزو دورية اللع يرضى عليكم خسنا بالشارع
يعني لو رايح الوزارة مشي وتال دورية جان خلصنا قبل نص ساعة

أخوي شالسالفة

يبه حادث بشارع أحمد الجابر يمع دوار مخفر شرق

يا خوي روح المخفر وخلص عمرك

مشكور

خلصنا من المخفر وبعد ما طلعت، بديت أحس برضوض جسمي

الله يسامحك يا أبو اليمن (سايق التكسي) والله ما تسوى علينا جلو كباب مع أغنية سواح